Éischten Decathlon am Norde vu Lëtzebuerg: Eng nei Filial, déi 5 Milliounen Touristen uviséiert

Decathlon mécht Enn September säin alleréischt Geschäft am Norde vum Groussherzogtum Lëtzebuerg op. Amplaz enger isoléierter Filial huet d’Entreprise sech fir de Massen Shopping Center zu Wäiswampech entscheet, engem etabléierten Akafskomplex, dee schonn iwwer 5 Millioune Besucher d’Joer empfänkt. Nëmmen e Steeworf vun de belschen an däitsche Grenzen ewech, riicht sech d’Sportgeschäft esouwuel un Touristen ewéi och un all Grenzgänger vu Lëtzebuerg, der Belsch, Däitschland an Holland. Fir en optimale Service ze bidden, ass d’Verkafsplaz siwen Deeg d’Woch op, och sonndes.

D’Mark befënnt sech an de fréiere Raimlechkeete vu JBC im Massen Shopping Center, deen duerchschnëttlech 14 000 Besucher den Dag op sengem gesamten Terrain empfänkt. D’technesch Ariichtunge sinn den Ament voll am Gaang, fir déi éischt Gäscht ab Enn September begréissen ze kënnen.

Fir Decathlon geet dës Erëffnung wäit iwwer eng einfach zousätzlech Verkafsplaz eraus. D’Mark setzt net nëmmen op d’Besucherzuel an Attraktivitéit vum Akafzenter, mee setzt och op d’strateegesch Lag vu Wäiswampech: Eng echt Paart zu de lëtzebuergeschen Ardennen, an onmëttelbarer Noost zu de belschen Ardennen an der däitscher Äifel. Eng Regioun, déi all Joer tëschent 3,5 a 4 Milliounen touristesch Iwwernuechtunge verzeechent.

Wanderen, Trail a Mountainbike zur Éier

An engem Ëmkrees vu 45 Fuerminutte ginn et tëschent 3,5 a 4 Milliounen touristesch Iwwernuechtungen d’Joer. Ongeféier 1,2 Millioune sinn am Éislek an de lëtzebuergeschen Ardenne registréiert, ronn 1,5 Milliounen an der belscher Provënz Luxembourg (besonnesch Baaschtnech an Haufelescht) a ronn eng Millioun an der däitscher Äifel a Rheinland-Pfalz.

„D’Regioun ass besonnesch bei Wanderer, Vëlosfuerer, Mountainbiker, Trail- a Camping-Enthusiaste beléift. D’Geschäft befënnt sech a kuerzer Entfernung zum Wäiswampecher Séi a sëllege Wander-, Trail-,. a Mountainbikestrecken am Éislek an an de belschen Ardennen. Fir de Bedierfnesser vun dësen Enthusiasten am beschte gerecht zu ginn, ass d’Geschäft och sonndes op.“ Nicolas Deltenre, Regionaldirekter Decathlon Belgique et Luxembourg

Mat dëser neier Adress wëll Decathlon genee d’Erwaardunge vu lokale Sportler a Besucher erfëllen. D’Offer riicht sech esouwuel u Persounen, déi sech fir hir Vakanz oder sportlech Aktivitéite voll ausstafféiere wëllen, ewéi och u Persounen, déi wärend hirem Openthalt Ersatz- oder Zousazausrüstung brauchen.

„Mam Site vu Massen fëlle mir eng offesichtlech wäit Zon op der Kaart. Bis elo hunn d’Awunner vum nërdleche Lëtzebuerg an d’Vakanzer, déi an den Ardennen ënnerwee waren, laang Strecken zeréckleeë mussen, fir zu engem Decathlon-Geschäft zu gelaangen. Ab Enn September brénge mir Iech eist gesamt Sortiment méi no: Qualitéitsprodukter, fachkënneg Berodung, Reparaturdéngschtleeschtungen an eis digital Offer. Domat maache mir de Sport fir all nach méi zougänglech, och fir Vakanzer a Participante vu Sportveranstaltunten an der Regioun.“ Nicolas Deltenre, Regionaldirekter Decathlon Belgique et Luxembourg

Vëloreparatur bannent 24 Stonnen

D’Geschäft bitt e Sortiment un, dat méi ewéi drësseg Sportaarten ëmfaasst. Opgrond vu senger Lag am Häerz vun engem groussen Touristegebitt huelen Outdooraktivitéite wie Trekking, Wanderen a Camping eng zentral Plaz an. Ergänzt gëtt d’Offer duerch eng grouss Auswiel un Ausrüstungen, besonnesch fir Foussball, Vëlofueren, Schwammen a Fitness.

Niewent dëser villfälteger Offer setzt Decathlon staark op Déngschtleeschtungen. D’Geschäft verfüügt ënner anerem iwwer e Vëlosatelier, fir déi meescht Reparature bannent enger Frist vu 24 Stonnen duerchzeféieren. Produkter, déi net direkt am Regal verfügbar sinn, kënnen iwwer d’digital Servicer vun der Mark bestallt ginn.

Fir dës Verkafsplaz ze leeden, gëtt eng lokal Ekipp vun ongeféier zéng Mataarbechter gebilt. E besonnesche Fokus läit op der Leidenschaft fir Sport an engem méisproochege Konnendéngscht: D’Ekipp beréit d’Konnen op (Lëtzebuergesch, )Franséisch , Däitsch an Englesch, fir sech un den internationale Charakter vun der Regioun unzepassen.

Eng strateegesch Wiel fir den Akafszenter

D’Ukonft vun Decathlon ass eng wichteg Beräicherung fir d’Offer vum Massen Shopping Center, deen e breet an zougänglecht Multisportkonzept bitt, déi en neie Publikum unzitt.

„D’Ukonft vun Decathlon ass e wichtege Schrëtt an der Entwécklung vum Massen Shopping Center. Et ass eng international renomméiert Mark, déi en echte Méiwäert fir eis Offer bitt a perfekt den Erwaardunge vun eise Besucher entsprécht. Dëst Geschäft sprécht d’lokal Konnschaft un an erhéicht gläichzäiteg d’Attraktivitéit an d’Konnenerliefnes vun eisem Site fir Besucher aus der gesamter Grenzregioun.“ Martin Lafleur, Property Manager vum Massen Shopping Center.

D’Konne mussen net op d’offiziell Erëffnung waarden, fir d’Offer vun Decathlon Massen zu notzen. Ab dem 7. September kënne si hir Bestellungen iwwer de „Click & Collect“-Service opginn. Ab dem 14. September kënne Bestellungen op der Plaz op engem speziellen Ofhuelpunkt an no Rendez-vous ofgeholl ginn.

Praktesch Informatiounen

Erëffnung: 26 September 2026 (virbehaltlech de leschten techneschen Astellungen)

Adress: Decathlon Massen, Massen Shopping Center, Wäiswampech (Lëtzebuerg)

Verkafsfläch: 1050 m²

Ëffnungszäiten: 7 Deeg d’Woch vun 9:00 bis 18:30 Auer op

Sortiment

Déngschtleeschtungen